فاقد الشيء لا يعطهـ

السلام عليكم ورحمة الله وبركاته

مساء /صباح

الفل

صار لي كم يوم يدور الموضوع هذا في راسي و محتارهـ

فاقد الشيء لا يعطيهـ

حقيقة

هذي المقولهـ توجع قلبي

أحسها مو معقول

ولوكانت معقول

ياهو آلم

أقرب شي يجي براسي

جداتنا وأمهاتنا عاشوا حياة صعبه جدا والأغلبيه ما كملوا تعليمهم

بس لما نجي نشوف الأجيال اللي خلفوها

فعلا أبدعوا بتربية وتعليم أبنائهم

وخلفوا جيل متعلم وفاهم

شي ثاني

أنا مثلا يوم كنت صغيره كنت أفتقد جدا لأنسان يكون قريب لي بالبيت

مررره منطويه على حالي واللي بقلبي بقلبي عشان مافي احد افضفض له ومحد كان يحاول يقرب لي

بس يوم كبرت صرت أحاول قد ما أقدر أكون قريبه لخواتي اللي أصغر مني

أبي أصير أخت و صديقه

عشاني مابيهم يحسون نفس إحساسي

طبعا هذي أمثله بسيطه

/

/

من وجهة نظري

لما الإنسان يفتقد أي شي سواء كان مادي أو معنوي ويحس باللوعه وهو فاقده

ما يحب أبدا أنه يبخل على اللي حوله بالشي اللي فقده لو قدر يعطيهم

لأنهـ ما يبي أحد ثاني يحس بلوعته وآلمه

يعني اللي يقول فاقد الشيء لا يعطيه

من رايي أنه مخطأ تماما

والمقوله الصحيحه

فاقد الشيء هو اللي يقدر يعطيه وبكرم

همسهـ

إختلاف الراي لا يفسد للود قضيه

أحب اسمع وجهات نظركم للموضوع

هل أنتوا ترون أن هذه المقوله صحيحه؟

وأبي اعرف السبب اللي يخليكم تقولون أنها صح أو مو صح

/

تقبلوا ودي