حد علمي بالغلا

حـــــــــــــــــــد علمي بالغـــــــــــــــــــــــــــــــلا
للشاعر:حــــــــــــــــــــــامــــــــــــــد زيــد
حد علمي بالغلا .. يوم كنت اسوى كثير
يوم كانت ضحكتي طبع وعنادي سمه
وحد علمي بالعنا .. يوم خافقي ضرير
قبل اهدم العشق وابنيه وارجع اهدمه
وحد علمي بالبكا .. يوم لي قلب وضمير
قبل اشوف (المسلم يموت بيد المسلمة )
إيه عدت من يدي .بس ما عدت بخير
ليلةٍ عيت تجيني .. وجتني مظلمة
من عرفت إحساسها كن في قلبي نذير
والنهار المكتئب باين من مقدمه
ليلةٍ حسيـــــــــتها لا تجور ولا تجير
مثل طفل ما حقرته وعييت احشمه
واصبحت مثل شعرة ... واقصمت ظهر البعير
وابتدا مع موته الجرح .. من حيث اختمه
صار لي بالعشق ما لا هقيت انه يصير
انظلمت بعشرة انسان .. ما كنت اظلمه
العشير اللي تبرى من ضلوع العشير
الحلا عزز خطاياه .. والحظ خدمه
لا تبتسم ..يكسر النور بعيون البصير
وكنّ شمس المغربيّة تبات بمبسمه
معتدل في قامته لا طويل ... ولا قصير
ممتلي بالزين من معصمه ... لي معصمه
فيه بالوان الهدب ... لون غير .. ولون غير
مثل ما للرموش بالعين ... قصه مبهمة
كنّها نكس البيارق على شط وغدير
مثل لملمة الشتات ... بشتات اللملمة
مع سواد مجدلٍ ما يثور الا يثير
كنهّ اللي ينهم الريح .. ثم تنهمه
ما تجمّع لين قيد حريرٍ مع حرير
في ظلامٍ (علّم الليل ما لم يعلمه )
ما هقيت ان الهدب صلف .. واجفانه تغير
لين سلهم ... لعنبو جد ّذيك السلهمة
ما عتقني لين ساق البشاير للبشير
يوم صدّ وجاه قلبي (بشحمه ولحمه )
والله انه حط قلبي تحت رحمة ... شطير
في يديه .. وكل ما راد يقسمه .. اقسمه
يا عساني ما اعدم ارضاه في برد وهجير
ولو عدمت مروته !. يا عساني ما اعدمه

مع تحياتي :: الدانه

الله الله الله

احدى روووائع الشاعر الكبير وعرااائسه

اسجل اعجابي الكبير في ذووقك الفذ

واصلي هالتألق والابداع

تقبلي مروري المتواضع

لكي مني كل الود والاحترااام ,,,

جميل ..جميل...
قصيدة رائعة..
بارك الله فيك..

بقايا جروح -عصي الدمع
مشكورين على مروركم
وهذا كله من ذوقكم
ومنورين بالردود