هــــــــــــــــــــــــــذا هو الي تبيه ؟؟!!

قصيدة
(هذا هو الي تبيه )
للشاعر سالم السيار
هذا هو الي تبيه ؟
اني ارحل من حياتك
واشعل عيوني بـ ليه
بس خلاص
وهذا هو اللي قدرته
وقدّرك ربي عليه ؟
بذمتك هذا كلام ؟
اني ارجع من جديد
ارجع افرش كل تعب عمري وانام
هذا هو اللي تبيه ؟؟
وهذا هو اللي قدرته
وقدرك ربي عليه
اني ارحل من حياتك
واشعِل عيوني بـ ليه ؟
بس خلاص ؟
بذمتك هذا كلام ؟
اني ارجع من جديد
ارجع افرش كل تعب عمري وانام ؟
زين لحظه ..
لا سألوني الناس وينك ؟؟
وان درَوا.. ضحكة عيونك
عن عيوني سافِرت ردّت لعينك
بذمتك .. قول .. وش اقول ؟؟
قول قول .. الله يخرب بيت بيتـك
تــوني يادوبي بـــديت
بعت عمــري واشتريتك
خطوه خطوه واشتريت
توني باطراف البدايه
مدري وشلون انتهيت
ياخـــي حـــس
والله عيب اللي تبيه
اني ارحل من حياتك
واشعِل عيوني بـ ليه ؟
لا جبينك شمس واحساسك مطر
لا عيونك شوق وشعورك دفا
جبتلك بيدي ابتسامات العمر
ليه تكسرها على اطراف الشفا؟
شوف بعثَرني احتياجي بالنظر
شوف وجهي امتلى منك بـ آفا
ما تجي منك .. ولكن يا بشر
منت اول من طعني بالجفا
ابرك أدفن كل جروحي بالسهر
ولا افكــر من ورى قلبك شفا
ول يا قلبك ما يجيب الاّ القهر
ول يا عمرك ماعرف طعم الوفا
ولا انا .. مثل النهــــر ابقى نهر
من تحوسه ترجع تشوفه صفــا
وفيني والله احساس ليمنّه ظهر
يشعل ضلوعك اذا قلبك طفا
هذا هو اللي تبيه
وهذا هو اللي قدرته
وقدّرك ربي عليه ؟
بذمتك هذا كلام؟
اني ارجع من جديد
ارجع افرش كل تعب عمري وانام؟
وين اروح ؟
وشلون اجيب لقلبي المجروح روح ؟
هذا هو اللي تبيه ؟؟

سالم سيار


تقبلو تحياتي

الدانــــــــه