نهاية حبها ...!!

موضوع: نهاية حبها ...!! السبت ديسمبر 20, 2008 3:44 am

إحدى كتاباتي الشعرية والحديثة

اتمنى ان تنال اعجابكم

اقووول فيها :-

نـهـايـة حـبـهـا بـقـلـبي .. تـمـكـّن جرحها بسكات
أحـاول أوهـم الـعـالـــم .. بـهـمـسـاتي وضحكاتي

أحـس إنـي اذا أضحـك .. إنـا مـتـصنّع الضحكات
وكل الضحك ما وصّل .. ولا عــدّى شــفــاهـاتـي

شـريـط الماضي أعيده .. انا ماستوعب الصدمات
حـزيــن ودايـم ٍ وحدي .. اعـيـد لــذكـر آهـــاتــي

الا يـالـيـتـنـي ما اقوى .. أعـيـش بـعـالـم الآهــات
أقــدّم لـ جـلهـا حــبــي .. وهـي تـحـذف مـلـفـاتـي

وقـلـبـي كـاتـمٍ لـ قهره .. ولا يـقوى على الصدّات
أداريـهـا كـمـا طـفــل ٍٍ .. لا قـرّب قـلـت لـه تـاتي

وهـو يمشي ويستانس .. وهـي تـسـتانس الطعنات
وإذا وقّف حداي هـناك .. وهـو يـنـطـر مـنـاداتـــي

أنـاديـلـه وأنـا فـكـري .. مـصـوّب صابته بشتات
ألا يـالـيـتـهـا مـثـلـــه .. تـطـفـّي شـوقـي الـعـاتي

ألا يــالـيـتـهـا طـفـلـة .. تطفّي لـهـبـــة الحرقات
ولاحتى تعرف الحب .. ولا تـسـبـّـب لـهــزّاتــي

تـرى ما قاسها رختر .. ولا قـيـّـس لـي الـهـزّات
لهمّي عجزت اسطنبول .. تـوصـّـل فـي معاناتي

وبـركــان الـغلا ثـوّر .. بـقـلـبـي زادت الـثورات
احس روحي بدت تطلع .. وأنـا اقـلـّب بـنظراتي

احـبـك مـوت كـالنبته .. وأداريـهـا كـمـا الـنبتات
أخاف إن زادت النسمه .. تـجـرّح لـي نـبـاتـاتي

لها أسقـي دموع العين .. وعـيـني ملّت العبرات
وهي تضحك ولاتدري .. بـجـرح ٍ هـل عبراتي

ياليت إن الهوى كـلمة .. لـ اخلّص لجلك الكلمات
وابحث في قاموس الحب .. وأرسل لك عباراتي

أحـبـك مـوت يـا حلوة .. أحـبـك وأغفر الزلات
أحبـك موت لك أقرُب .. وهـذي كـل غـلـطـاتي

**&&** وسلامتكم **&&**

رووووووووووووووووووووعه

ذووووووق

صح لساااانك

من جد موؤثره ومعبررره وحلوووه تسلم ايدينك خيوووووه Crying or Very sad

ننتظر جديدك

تقبل مروري

تحياتي

هلا وغلا فيك غاليتي دلعها غير

منورة الصفحة خيتو وربي

الله لا يحرمني طلتك الحلوووة

لا خلا ولا عدم ان شاء الله

لكي مني كل الود والاحترااام ,,,

قصيدة جميلة..
بوركت..

هلا وغلا فيك خيو

منور الصفحة يالغالي وربي

الله لا يحرمني من طلتك الحلوووة

لا خلا ولا عدم ان شاء الله

لك كل الود والاحترااام ,,,

هلا وغلا فيك خيو

منور الصفحة يالغالي وربي

الله لا يحرمني من طلتك الحلوووة

لا خلا ولا عدم ان شاء الله

لك كل الود والاحترااام ,,,