وش يعجبك؟؟ طاري البنات؟؟

قصيدة قوية..
تتكلم في أمور كثيرة
أترككم مع القصيدة

مد الهجر..
بامدلك غصن خضر..
أنا أخوك ابن أبوك آدم أنا..
لا انتظر منك الشقا..
ولا تنتظر مني عنا..
ومدام هاذي أرضنا..
والشمس والقمره لنا..
مد الهجر.. بمدلك غصن خضر..

الطيب ليه ازداد غربه.. وش حصل للناس ياخي؟
ياخي من إلي طاب قلبه.. من جروح الياس ياخي؟
ياخي من إلي دام قربه.. واسعد الإحساس ياخي؟
ليه افترشنا الحزن؟ واسقينا رضانا من غضب؟
ليه استحال المزن؟ ليه اقفت عناقيد العنب؟

يا رب.. حتى اللي نحب.. سن الصدود بلا سبب.!
يا رب..
مرار ياخي بكل شي.. حتى بلحظات الطرب.!

من أخر التفكير جيت..
أقرا على العام الجديد..
ألفين بيت..

مضمونها في كلمتين:
الاوله: لو ما حصل.!
والثانيه: يا ليت.!

ما مرنا في فايت الدنيا سرور..
إلا سبقنا للقبور.!
ولا ارتفع فينا رفيع من القصور..
إلا تهدم بالغرور.!

غبنا على عيون الفرح..
كن الفرح محظور.!
ما اوجعه..
يفنا قبل نفنا معه.!
وان زارنا يا مسرعه..
يدخل بنا لأحلامنا..
ويطفي علينا النور..

الله حسيبك يا فرحنا..
صدق ماعندك شعور..

وش فيك؟ كن اللي اقوله ما اعجبك..
وش يعجبك؟ طار ي البنات؟!

يابعد روحي ياالبنات!!

هن والفرح.. من خلقت الدنيا خوات..
لكنهن مثله وهو مثل الدموع بلا ثبات.!

إن لوعتك الاوله..
فالثانيه والثالثه والرابعه متشابهات.!

وان ضيعتك الخامسه..
فالسادسه تلقى بها نفس المعاني والصفات.!

أموات حنا بدونهن..
وبحضورهن يا صاحبي أموات.!

والفاتنات..
إذا قسن..
والا نسن..
اوعبسن..
او نكسن عنك الحسن..
فك الرسن..
واشر الوسن..
واشطب على مافات..

وكانك تبي روحك تعيش معززه.. حاول تمزمز مزمزه..
وتصبر على قل الوفا..
واللي رضاهن معجزات..

وهيهات..
ثم هيهات..
ثم هيهات..
ترجع لنا مريم..
او نحتفل عقب النبي عيسى بميلاد الحياة..

يا صاحبي.. ولى زمان المعجزات..
خل العذارى للغدر..
وخلك على هذا الهجر..
وخلي يدي في كل يوم تمد لك غصن خضر..

غبنا على عيون الفرح..
كن الفرح محظور.!
ما اوجعه..
يفنا قبل نفنا معه.!
وان زارنا يا مسرعه..
يدخل بنا لأحلامنا..
ويطفي علينا النور..

الله حسيبك يا فرحنا..
صدق ماعندك شعور..

كلمات في غاية الرووووووووووعه مشكووووووره اختي على الطرح والله لايحرمنامن ابداعك المميزوتقبل مروري

مشكووور خيوووه عالمرور والطله الحلوه لاتحرمنا منها

تحياتي

يعطيك العافيه قمه في الروعه كعادتك
تقبلي مروري